Italiya terma jamoasi va Turinning "Yuventus" klubi vingeri Federiko Kyeza faoliyatini A Seriyaning boshqa klubida davom ettirishi mumkinligi haqida Insayder Nikolo Skira ijtimoiy tarmoqlar orqali xabar berdi.
Manba bergan xabarga ko‘ra, hujumkor yarim himoyachining transferiga Rimning "Roma" klubi qiziqish bildirmoqda. “Bo‘rilar” bosslari futbolchiga 5,5 million yevro maosh bilan shartnoma taklif qilishgan. Kyeza "Yuventus"ning yangi murabbiylar shtabining rejalariga kiritilmagan va shuning uchun jamoani o‘zgartirishga yaqin turibdi.
O‘tgan mavsumda Federiko "keksa sinyora" safida 37 ta o‘yinda qatnashib, o‘nta gol va 3 ta golli uzatmaga mualliflik qilgan.
