Agent Gonsalo Goni "Manchester Yunayted" darvozabon Emiliano Martinesni qanday sotib olishga yaqin kelganini aytdi. Agentning so‘zlariga ko‘ra, "qizil iblislar" Martinesni sotib olmoqchi bo‘lgan, ammo keyin Andre Onana variantini tanlashgan.
"O‘tgan yili Martines "Manchester Yunayted"ga o‘tishga juda yaqin edi. Murabbiy yakunda Onanani tanlagan, chunki u allaqachon u bilan tanish edi. Ammo keyinroq "Manchester Yunayted"dagilarning barchasi g‘alabalar uchun ideal darvozabon Emiliano Martines ekanligini ta’kidladi", - deya Gonining so‘zlarini keltiradi Goal portali ESPN'ga tayanib.
Emiliano Martines 31 yoshda va "Aston Villa" sharafini himoya qiladi. Nufuzli Transfermarkt portali mutaxassislari argentinalik futbolchini 28 million yevroga baholamoqda.
