Niderlandiyalik himoyachi Matteys de Ligt "Bavariya"ni tark etib, boshqa klubga o‘tishga yaqin turibdi. Jurnalist Fabrisio Romanoning xabar berishicha, futbolchi faoliyatini “Manchester Yunayted”da davom ettiradi.
Manbaning xabar berishicha, de Ligt "qizil iblislar" bilan muzokara o‘tkazgan va shaxsiy mehnat shartnomasi shartlarini kelishib olgan. "Manchester Yunayted" ham joriy transfer oynasida kelishuvni yakunlay olishiga ishonmoqda.
O‘tgan mavsumda Matteys "Bavariya"ning 30ta o‘yinida ishtirok etgan. Futbolchi ikkita gol va bitta golli uzatmani amalga oshirdi.
