7 iyulga o‘tar kechasi (Toshkent vaqti bilan) Kolumbiya va Panama terma jamoalari o‘rtasida 2024 yilgi Amerika kubogi chorak final uchrashuvi bo‘lib o‘tdi. Uchrashuv 5:0 hisobida kolumbiyaliklarning g‘alabasi bilan yakunlandi.

G‘oliblar safida Xames Rodriges bitta gol urdi va ikkita golli uzatmani amalga oshirdi. Hozirda uning Amerika Kubogida 5 ta golli uzatmasi bor.

Bungacha bir turnirda atigi uch futbolchi - Denilson (Braziliya, 1997), Aleks (Braziliya, 2004) va Lionel Messi (Argentina, 2021) buni uddalay olishgan.

Kolumbiya yarim finalda Urugvay bilan o‘ynaydi.