16 iyul kuni "Real" hujumchisi Kilian Mbappening taqdimot marosimiga 80 000 dan ortiq muxlislar tashrif buyurishi kutilmoqda. Bu haqda Relevo xabar bermoqda.
Manbaga ko‘ra, "Los Blankos" fransiyalik hujumchining keng ko‘lamli taqdimotini o‘tkazish niyatida, unda Mbappening suratlari va videolari aks ettiriladigan katta ekranlar mavjud bo‘ladi. Bundan tashqari, maxsus podium va lazer shousi tayyorlanadi.
3 iyun kuni Mbappe rasman "Real Madrid" futbolchisiga aylandi. Shundan so‘ng OAVda fransiyalik hujumchining maoshi yiliga 30 million yevro va urilgan gollar uchun bonuslar bo‘lishi haqida ma’lumot paydo bo‘ldi.