16 июль куни "Реал" ҳужумчиси Килиан Мбаппенинг тақдимот маросимига 80 000 дан ортиқ мухлислар ташриф буюриши кутилмоқда. Бу ҳақда Relevo хабар бермоқда.
Манбага кўра, "Лос Бланкос" франциялик ҳужумчининг кенг кўламли тақдимотини ўтказиш ниятида, унда Мбаппенинг суратлари ва видеолари акс эттириладиган катта экранлар мавжуд бўлади. Бундан ташқари, махсус подиум ва лазер шоуси тайёрланади.
3 июн куни Мбаппе расман "Реал Мадрид" футболчисига айланди. Шундан сўнг ОАВда франциялик ҳужумчининг маоши йилига 30 миллион евро ва урилган голлар учун бонуслар бўлиши ҳақида маълумот пайдо бўлди.
