"Barselona" bosh murabbiyi Xans-Diter Flik markaziy himoyachi Erik Garsiya borasidagi rejalar haqida bir qarorga keldi.

23 yoshli futbolchi o‘tgan mavsumni ijara asosida "Jirona"da o‘tkazdi. Ispaniyalik futbolchi yangi mavsumni "Barselona"da boshlaydi, ammo keng tarqalgan mish-mishlarga ko‘ra, "ko‘k-anorranglilar" markaziy himoyachilarga unchalik ham ko‘p e’tibor bermaydi.

Diario AS'ning yangilangan ma’lumotlariga ko‘ra, Flik Garsiyani o‘z jamoasida olib qolishni xohlaydi.

Murabbiy futbolchiga imkoniyat berish niyatida, biroq bitta muammo bor: u bo‘lajak Olimpiada uchun Ispaniya terma jamoasiga chaqirilgan, shu sababli u "Barselona"ning mavsumoldi mashg‘ulotlarini o‘tkazib yuboradi.