"Барселона" бош мураббийи Ханс-Дитер Флик марказий ҳимоячи Эрик Гарсия борасидаги режалар ҳақида бир қарорга келди.
23 ёшли футболчи ўтган мавсумни ижара асосида "Жирона"да ўтказди. Испаниялик футболчи янги мавсумни "Барселона"да бошлайди, аммо кенг тарқалган миш-мишларга кўра, "кўк-анорранглилар" марказий ҳимоячиларга унчалик ҳам кўп эътибор бермайди.
Diario AS'нинг янгиланган маълумотларига кўра, Флик Гарсияни ўз жамоасида олиб қолишни хоҳлайди.
Мураббий футболчига имконият бериш ниятида, бироқ битта муаммо бор: у бўлажак Олимпиада учун Испания терма жамоасига чақирилган, шу сабабли у "Барселона"нинг мавсумолди машғулотларини ўтказиб юборади.
