Madridning “Real” klubi “Lill”dan 18 yoshli Leni Yoroning transferi borasida xavotir bildirmayapti.
"Manchester Yunayted" fransuz vunderkindini tortib olish niyatida - ingliz grandi "Lill"ga yanada qulayroq transfer shartlarini taklif qildi. Futbolchining o‘zi, uzoq vaqtdan beri ma’lum bo‘lganidek, "Real"da o‘ynashni orzu qiladi. Insayder Fabrisio Romanoning so‘zlariga ko‘ra, "Qirollik klubi" muzokaralarda o‘zining odatiy pozisiyasini egallagan: "Agar bizga kelishni istasangiz, bizning strategiyamizni tushunishingiz va kerakli daqiqaga qadar sabr-toqatli bo‘lishingiz kerak, aks holda istalgan joyga borishingiz mumkin".
Shu tariqa, "Real" muzokaralarni faqat o‘z shartlari asosida olib borishini va hech kimga bosim o‘tkazishiga yo‘l qo‘ymasligini ta’kidlamoqda. Shunga o‘xshash narsa Kilian Mbappe bilan sodir bo‘ldi, u oxir-oqibat erkin agent sifatida shartnoma imzoladi.
