Italiyalik insayder Janluka Di Marsio "Atalanta" futbolchisi Aleksey Miranchukning MLSning "Atlanta Yunayted" klubiga o‘tishi haqidagi yangi ma’lumotlar bilan bo‘lishdi.
Unga ko‘ra, har ikki klub ham transfer summasini kelishib olgan va futbolchining transferi bo‘yicha to‘liq kelishuv mavjud. Biroq, Di Marsio ta’kidlaganidek, Alekseyning o‘zi hali "Atlanta Yunayted" futbolchisi bo‘lish-bo‘lmasligi haqida bir qarorga kelmagan.
Avvalroq OAVda transfer summasi 11 million yevro atrofida bo‘lishi haqida ma’lumotlar paydo bo‘lgandi. O‘tgan mavsumda Miranchuk "Atalanta" libosida 42 marta maydonga tushib, 4 gol va 12 golga assistentlik qilgan.
