"Manchester Yunayted" vinger Jeydon Sanchoni boshqa ijaraga bermoqchi emas. Erik ten Xag bilan mojaro tufayli 24 yoshli futbolchi o‘tgan mavsumning birinchi yarmida jamoadagi o‘rnini yo‘qotgan, yanvarda esa o‘yin amaliyoti uchun Dortmundning "Borussiya"siga ijaraga berilgandi.
"Bamblar" angliyalik futbolchini sotib olishga qiziqish bildirishgan, biroq uning narxidan cho‘chigan. Shu bilan birga, jurnalist Patrik Bergerning so‘zlariga ko‘ra, “qizil iblislar” rahbariyati qayta ijaraga berish variantlarini ko‘rib chiqmaydi.
Jeydon Sancho yaqinda Erik ten Xag bilan kelishmovchilikni bartaraf etishga muvaffaq bo‘ldi, lekin bu uning jamoada qoladi, degani emas.
