"Komo" Entoni Marsyal bilan transfer borasida muzokaralar olib bormoqda.
Mavsum oxirida hujumchi klubdagi 9 yillik faoliyatidan so‘ng "Manchester Yunayted"ni tark etdi. Fransiyalik futbolchini o‘z safiga "Lion", "Marsel" va "Beshiktosh" kabi klublar qiziqayotgani xabar qilingandi. Futbolchi 2021 yildan beri Fransiya terma jamoasida o‘ynamaydi.
La Gazette Dello Sport xabariga ko‘ra, Antoni Marsyal ayni damda turli klublar, jumladan, "Komo" takliflari hamda "Beshiktosh" taklifini ko‘rib chiqmoqda. Biroq turk klubi allaqachon italiyalik hujumchi Chiro Immobile bilan shartnoma imzolagan, shu bois turklar hali ham Marsyal transferiga qiziqish bildirishlari yoki yo‘qligi hozircha noma’lum.
O‘tgan mavsumda forvard Premyer-ligada 13 ta o‘yin o‘tkazib, bitta gol urgan.
