Portugaliyalik hujumchi Krishtianu Ronalduning rafiqasi Jorjina Rodriges ijtimoiy tarmoqlarda yozgi oilaviy ta’tilidan olingan surat va videolarni faol tarzda joylashtirmoqda.

Suratlardan biri muxlislar orasida ayniqsa muhokama qilingan. Unda 39 yoshli Ronaldu qirg‘oqda turib, quyosh botishiga qaraydi.

Albatta, futbol ishqibozlari Ronaldu futbolchilik faoliyatini yakunlashini kuzatyapti, deb hazil qila boshlashdi.

Aytish joizki, Portugaliya terma jamoasi Yevropa chempionatida chorak finalga qadar yetib borgan va u yerda Fransiyaga penaltilar seriyasida mag‘lub bo‘lgandi. Krishtianu Ronaldu turnirda birorta ham gol ura olmadi.