Португалиялик ҳужумчи Криштиану Роналдунинг рафиқаси Жоржина Родригес ижтимоий тармоқларда ёзги оилавий таътилидан олинган сурат ва видеоларни фаол тарзда жойлаштирмоқда.
Суратлардан бири мухлислар орасида айниқса муҳокама қилинган. Унда 39 ёшли Роналду қирғоқда туриб, қуёш ботишига қарайди.
Албатта, футбол ишқибозлари Роналду футболчилик фаолиятини якунлашини кузатяпти, деб ҳазил қила бошлашди.
Айтиш жоизки, Португалия терма жамоаси Европа чемпионатида чорак финалга қадар етиб борган ва у ерда Францияга пенальтилар сериясида мағлуб бўлганди. Криштиану Роналду турнирда бирорта ҳам гол ура олмади.
