"Bavariya" hujumchisi Metis Tel o‘z klubida o‘ynashda davom etadi.
19 yoshli futbolchi myunxenliklarning asosiy tarkibida muntazam o‘rin egallamaydi, bu esa hujumkor pozisiyalardagi raqobat darajasini hisobga olsak, ajablanarli emas. Insayder Fabrisio Romanoning so‘zlariga ko‘ra, “Bavariya” fransiyalik futbolchini yozda qo‘yib yubormaydi. Futbolchining o‘zi ham ketish niyatida emas - u jamoani yaqinda qabul qilib olgan Vensan Kompani bilan ishlashni istamoqda.
Matis Telga Angliya Premyer-ligasi vakillari qiziqish bildirmoqda. Bir necha oy oldin "Manchester Yunayted" o‘sib borayotgan yulduzni 2024/25 yilgi mavsum oxirigacha ijaraga olishga tayyorligi xabar qilingandi.
