"Atletiko Madrid" prezidenti Enrike Sereso hujumchi Alvaro Moratani "Milan" bilan kelishuvi uchun tanqid qildi.
"Morata ketyaptimi? Shunday ko‘rinmoqda. Matbuot xabariga ko‘ra, u shartnomani bugun imzolaydi. Avval qolaman dedi keyin ketdi. "Atletiko" - qolishni hohlaganlar qoladi, ketmoqchi bo‘lganlar esa ketadigan jamoa.
Bu bizni g‘azablantiradi va bizni xafa qiladi, chunki Morata ajoyib o‘yinchi, ajoyib markaziy hujumchi va ajoyib inson, ammo u o‘z taqdirini hal qilishi kerak. U boshqa jamoaga o‘tishga qaror qildi va men unga ham, "Atletiko"dan ham hech kimga xalaqit bermayman", - dedi Sereso Sport.es bilan suhbatda.
Avvalroq Morata "Milan"ga o‘tishi haqida xabarlar tarqalgan edi.
