"Атлетико Мадрид" президенти Энрике Сересо ҳужумчи Альваро Моратани "Милан" билан келишуви учун танқид қилди.

"Мората кетяптими? Шундай кўринмоқда. Матбуот хабарига кўра, у шартномани бугун имзолайди. Аввал қоламан деди кейин кетди. "Атлетико" - қолишни ҳоҳлаганлар қолади, кетмоқчи бўлганлар эса кетадиган жамоа.

Бу бизни ғазаблантиради ва бизни хафа қилади, чунки Мората ажойиб ўйинчи, ажойиб марказий ҳужумчи ва ажойиб инсон, аммо у ўз тақдирини ҳал қилиши керак. У бошқа жамоага ўтишга қарор қилди ва мен унга ҳам, "Атлетико"дан ҳам ҳеч кимга халақит бермайман", - деди Сересо Sport.es билан суҳбатда.

Аввалроқ Мората "Милан"га ўтиши ҳақида хабарлар тарқалган эди.