Londonning “Arsenal” klubi sobiq yarim himoyachisi Jek Uilsher Angliya terma jamoasining 2024 yilgi Yevropa chempionati finalida Ispaniyaga qarshi o‘yindagi mag‘lubiyati (1:2) haqida gapirdi.
"Hammasi birlashayotgandek tuyuldi, biz katta chempionlik uchun uzoq kutishni yakunlayotgandik. Ammo Ispaniya bunga loyiq edi. Ular finalning eng yaxshi jamoasi va turnirning eng yaxshi jamoasi bo‘lishdi.
Biz hammamiz - muxlislar, futbolchilar, murabbiylar, futbol assosiasiyasi - oldinga harakat qilishimiz kerak. Chunki ingliz futboli hali ham yaxshi holatda. Garet Sautgeyt bizni to‘rtta turnirda ikkita final, yarim final va chorak finalga olib chiqdi. Biz ilgari hech qachon bunday natijaga erishmaganmiz.
Endi muammo bu raqobatbardoshlikni saqlab qolish va Angliyani yanada yaxshiroq qilishdir. Sautgeyt va uning xodimlari terma jamoa atrofidagi butun muhit va rivoyatni o‘zgartirish bo‘yicha ajoyib ishni bajarishdi", - dedi Uilsher The Sun bilan suhbatda.
Kecha, 16 iyul kuni Garet Sautgeyt Angliya terma jamoasi bosh murabbiyi lavozimini tark etishini ma’lum qildi.
