"Liverpul" afsonasi Stiven Jerrardga Angliya U-21 terma jamoasini boshqarish imkoniyati berilishi mumkin.
Bir kun avval Garet Sautgeyt sakkiz yildan so‘ng Angliya terma jamoasi bosh murabbiyligidan ketishini e’lon qildi.
2016 yilda Sautgeyt kattalar jamoasiga yoshlar jamoasidan kelgan edi, endi esa Daily Mirror nashri xabariga ko‘ra, Garet o‘rniga favoritlardan biri sifatida ko‘rsatgan Li Karsli ham xuddi shunday ko‘tarilishi mumkin.
Assosiasiya boshliqlari Karsli haqida yuqori fikrda va bo‘sh o‘rin uchun "Everton"ning sobiq yarim himoyachisi bilan muzokaralar olib borishni rejalashtirmoqda.
Agar Karsli yakunda milliy terma jamoa bosh murabbiyi lavozimiga ko‘tarilsa, FA yangi yoshlar jamoasi bosh murabbiyini topishi kerak bo‘ladi, Jerrard esa hozirda Saudiya Arabistonining "Al-Ittifoq" klubini boshqarmoqda.
Assosiasiya o‘tgan yozda Jerrardni Angliya yoshlar terma jamoasiga murabbiy etib tayinlash haqida o‘ylagan edi, ammo keyin Karsli U-21 Yevropa chempionatidan so‘ng ishdan ketish haqidagi fikrini o‘zgartirdi.
