"Ливерпуль" афсонаси Стивен Жеррардга Англия U-21 терма жамоасини бошқариш имконияти берилиши мумкин.
Бир кун аввал Гарет Саутгейт саккиз йилдан сўнг Англия терма жамоаси бош мураббийлигидан кетишини эълон қилди.
2016 йилда Саутгейт катталар жамоасига ёшлар жамоасидан келган эди, энди эса Daily Mirror нашри хабарига кўра, Гарет ўрнига фаворитлардан бири сифатида кўрсатган Ли Карсли ҳам худди шундай кўтарилиши мумкин.
Ассоциация бошлиқлари Карсли ҳақида юқори фикрда ва бўш ўрин учун "Евертон"нинг собиқ ярим ҳимоячиси билан музокаралар олиб боришни режалаштирмоқда.
Агар Карсли якунда миллий терма жамоа бош мураббийи лавозимига кўтарилса, FA янги ёшлар жамоаси бош мураббийини топиши керак бўлади, Жеррард эса ҳозирда Саудия Арабистонининг "Ал-Иттифоқ" клубини бошқармоқда.
Ассоциация ўтган ёзда Жеррардни Англия ёшлар терма жамоасига мураббий этиб тайинлаш ҳақида ўйлаган эди, аммо кейин Карсли U-21 Европа чемпионатидан сўнг ишдан кетиш ҳақидаги фикрини ўзгартирди.
