Alan Shirer Eddi Xauning Angliya terma jamoasining yangi bosh murabbiyi bo‘lishini xohlaydi.
Kecha Garet Sautgeyt 8 yillik mehnatdan so‘ng o‘z lavozimini tark etgani ma’lum bo‘ldi.
"Keyingi murabbiy ingliz bo‘lishini istardim. Biz allaqachon xorijliklarni tayinlaganmiz va bilaman, boshqa zo‘r murabbiylar tilga olingan, ammo menimcha, bu lavozimda ingliz mutaxassisi bo‘lishi kerak.
Menimcha, asosiy nomzod Eddi Xau bo‘ladi. Menimcha, Eddi katta qaror qabul qilishi kerak, federasiya unga murojaat qilishiga ishonchim komil va bundan keyin nima bo‘lishini bilmaymiz. Asosiy omil uning o‘z xohishi bo‘ladi.
Biz yana Eddi va Angliya terma jamoasi haqida gapiryapmiz, chunki u “Nyukasl”da juda katta va yaxshi ish qildi", dedi Angliya terma jamoasining sobiq sardori.
