Алан Ширер Эдди Хаунинг Англия терма жамоасининг янги бош мураббийи бўлишини хоҳлайди.
Кеча Гарет Саутгейт 8 йиллик меҳнатдан сўнг ўз лавозимини тарк этгани маълум бўлди.
"Кейинги мураббий инглиз бўлишини истардим. Биз аллақачон хорижликларни тайинлаганмиз ва биламан, бошқа зўр мураббийлар тилга олинган, аммо менимча, бу лавозимда инглиз мутахассиси бўлиши керак.
Менимча, асосий номзод Эдди Хау бўлади. Менимча, Эдди катта қарор қабул қилиши керак, федерация унга мурожаат қилишига ишончим комил ва бундан кейин нима бўлишини билмаймиз. Асосий омил унинг ўз хоҳиши бўлади.
Биз яна Эдди ва Англия терма жамоаси ҳақида гапиряпмиз, чунки у “Ньюкасл”да жуда катта ва яхши иш қилди", деди Англия терма жамоасининг собиқ сардори.
