Xavyer Maskeranoning aytishicha, Enso Fernandesning videosi kontekstdan tashqaridan yulib olingan.

Finalda Argentina Kolumbiyani mag‘lub etgan (1:0, qo‘shimcha bo‘lim) va g‘alabani nishonlash chog‘ida futbolchilar Fransiya terma jamoasi o‘yinchilari haqida haqoratomuz qo‘shiq aytishdi. Ushbu videoni Argentina va “Chelsi” terma jamoasi yarim himoyachisi Enso Fernandes ijtimoiy  tarmoqqa joylashtirgan, biroq ko‘p o‘tmay translyasiyani to‘xtatib qo‘ygan.

“Argentinada biz qabul qilmaydigan bir narsa bo‘lsa, bu irqchilikdir. Men Ensoni bilaman, u zo‘r yigit, unda bunday muammolar yo‘q.

Ko‘pincha bayram paytida siz videoning bir qismini olib, uni kontekstdan yulib tashlashingiz mumkin. Biz hamma e’tibor qaratadigan mamlakatmiz.

Argentinada dunyoning turli burchaklaridan kelgan odamlar yashaydi va biz ularni hurmat bilan kutib olamiz.

Ba’zan har bir mamlakat madaniyatini tushunishimiz kerak, ba’zida biz hazil sifatida qabul qilgan narsa boshqa joyda noto‘g‘ri talqin qilinishi mumkin.

Enso ijtimoiy tarmoqlarda ham kechirim so‘ragan", – dedi "Barselona"ning sobiq futbolchisi Maskerano.