Хавьер Маскеранонинг айтишича, Энцо Фернандеснинг видеоси контекстдан ташқаридан юлиб олинган.
Финалда Аргентина Колумбияни мағлуб этган (1:0, қўшимча бўлим) ва ғалабани нишонлаш чоғида футболчилар Франция терма жамоаси ўйинчилари ҳақида ҳақоратомуз қўшиқ айтишди. Ушбу видеони Аргентина ва “Челси” терма жамоаси ярим ҳимоячиси Энцо Фернандес ижтимоий тармоққа жойлаштирган, бироқ кўп ўтмай трансляцияни тўхтатиб қўйган.
“Аргентинада биз қабул қилмайдиган бир нарса бўлса, бу ирқчиликдир. Мен Энцони биламан, у зўр йигит, унда бундай муаммолар йўқ.
Кўпинча байрам пайтида сиз видеонинг бир қисмини олиб, уни контекстдан юлиб ташлашингиз мумкин. Биз ҳамма эътибор қаратадиган мамлакатмиз.
Аргентинада дунёнинг турли бурчакларидан келган одамлар яшайди ва биз уларни ҳурмат билан кутиб оламиз.
Баъзан ҳар бир мамлакат маданиятини тушунишимиз керак, баъзида биз ҳазил сифатида қабул қилган нарса бошқа жойда нотўғри талқин қилиниши мумкин.
Энцо ижтимоий тармоқларда ҳам кечирим сўраган", – деди "Барселона"нинг собиқ футболчиси Маскерано.
