Ugo Lyoris Argentina terma jamoasi futbolchilarining Fransiya terma jamoasi haqidagi hayqiriqlarini qoraladi.

"Muhim kubokni yutish eyforiyasi bahona emas. G‘olib bo‘lish bundan ham katta mas’uliyatdir.

Futbolda bunday narsalarni eshitishni yoki ko‘rishni hech kim xohlamasa kerak. Biz hammamiz diskriminasiya va irqchilikka qarshimiz.

Umid qilamanki, buning xatoligini barcha tushunib yetadi. Biz hammamiz ba’zida xato qilamiz va ularning saboq olishiga umid qilamiz.

Hozirda Argentina terma jamoasi Janubiy Amerika va butun dunyo futbolining yuzi hisoblanadi. Ular so‘nggi 4-5 yil davomida maydonda qilgan ishlari uchun katta hurmatga loyiq. Ammo g‘alaba qozonsangiz, boshqalarga, ayniqsa, bolalarga o‘rnak bo‘lasiz.

Bu fransuz xalqiga, ayniqsa, ildizlari va oilalari afrikalik bo‘lgan fransuzlarga jiddiy hujum edi", — dedi Fransiyaning sobiq sardori.