Argentina terma jamoasi yarim himoyachisi Enso Fernandesning otasi Raul Amerika Kubogi finalidan keyin butun jamoa boshiga tushgan irqchilik mojarosi haqida gapirdi.

Eslatib o‘tamiz, argentinalik futbolchilar fransuz futbolchilarining afrikalik kelib chiqishi haqida qo‘shiqlar kuylashgan va Enso uni ijtimoiy tarmoqda translyasiya qilgan. Keyinroq Fransiya argentinaliklarni irqchilikda ayblashdi va FIFA tergov boshladi.

"Men o‘g‘limning kimligini bilaman. U bunday emas! U hech qachon irqchilik qilmagan! Yevropaliklar qo‘shiqlar, bayramlar kabi futbol madaniyatimizni tushunish qiyin. U o‘sha jonli efirni noto‘g‘ri vaqtda yozib oldi. Bu yomon edi, u nima kuylayotganini ham tushunmadi.

2014 yilda Germaniya bizni mag‘lub etganida gaucho yurishiga taqlid qilib, bizni johil deyishdi. 2018 yilda Fransiya Messini bo‘yi past bo‘lgani uchun masxara qilgandi. Ammo biz hech qachon bizni kamsitishayotganidan shikoyat qilmaganmiz", - dedi Raul All About Argentina bilan suhbatda.