Аргентина терма жамоаси ярим ҳимоячиси Энцо Фернандеснинг отаси Рауль Америка Кубоги финалидан кейин бутун жамоа бошига тушган ирқчилик можароси ҳақида гапирди.

Эслатиб ўтамиз, аргентиналик футболчилар француз футболчиларининг африкалик келиб чиқиши ҳақида қўшиқлар куйлашган ва Энцо уни ижтимоий тармоқда трансляция қилган. Кейинроқ Франция аргентиналикларни ирқчиликда айблашди ва ФИФА тергов бошлади.

"Мен ўғлимнинг кимлигини биламан. У бундай эмас! У ҳеч қачон ирқчилик қилмаган! Европаликлар қўшиқлар, байрамлар каби футбол маданиятимизни тушуниш қийин. У ўша жонли эфирни нотўғри вақтда ёзиб олди. Бу ёмон эди, у нима куйлаётганини ҳам тушунмади.

2014 йилда Германия бизни мағлуб этганида гаучо юришига тақлид қилиб, бизни жоҳил дейишди. 2018 йилда Франция Мессини бўйи паст бўлгани учун масхара қилганди. Аммо биз ҳеч қачон бизни камситишаётганидан шикоят қилмаганмиз", - деди Раул All About Argentina билан суҳбатда.