"Liverpul" kelasi mavsum oldidan o‘z tarkibini kuchaytirish maqsadida transfer bozorini o‘rganmoqda.
TodoFichajes portali o‘z sahifalarida xabar berishicha, "Bayer" a’zosi Jeremi Frimpong mersisayd klubining e’tibor markazida bo‘lib turibdi.
Gap butun o‘ng qanot bo‘ylab - himoyadan hujumga qadar harakat qila oladigan futbolchi haqida ketmoqda.
"Bayer" 23 yoshli Frimpongni o‘z tarkibida saqlab qolishni afzal ko‘rmoqda. Agar niderlandiyalik futbolchi sotilsa, leverkuzenliklar uning o‘rniga futbolchi topish uchun transfer bozoriga borishiga to‘g‘ri keladi.
Nufuzli Transfermarkt portali ekspertlari Frimpongni 50 million yevroga baholamoqda.
