Londonning "Arsenal" klubi hujumchisi Eddi Nketia jamoasini o‘zgartirishi mumkin.

25 yoshli futbolchining asosiy tarkibda doimiy o‘rni yo‘q, shuning uchun "kanonirlar" uni sotish imkoniyatini ko‘rib chiqishga tayyor. Insayder Fabrisio Romanoning ma’lum qilishicha, "Marsel" o‘z e’tiborini forvardga qaratgan. Fransiya klubi "Arsenal" bilan hali kelishuvga erishgani yo‘q, ammo hozirdanoq muzokaralar olib borilmoqda.

Eddi Nketiya so‘nggi mavsumda Mikel Arteta jamoasi safida 37 o‘yinda maydonga tushib, 6 ta gol va 3 ta golli uzatmaga mualliflik qilgan. Transfermarkt portaliga ko‘ra, ingliz futbolchisining narxi 30 million evroni tashkil qiladi.