Лондоннинг "Арсенал" клуби ҳужумчиси Эдди Нкетиа жамоасини ўзгартириши мумкин.
25 ёшли футболчининг асосий таркибда доимий ўрни йўқ, шунинг учун "канонирлар" уни сотиш имкониятини кўриб чиқишга тайёр. Инсайдер Фабрицио Романонинг маълум қилишича, "Марсель" ўз эътиборини форвардга қаратган. Франция клуби "Арсенал" билан ҳали келишувга эришгани йўқ, аммо ҳозирданоқ музокаралар олиб борилмоқда.
Эдди Нкетия сўнгги мавсумда Микель Артета жамоаси сафида 37 ўйинда майдонга тушиб, 6 та гол ва 3 та голли узатмага муаллифлик қилган. Transfermarkt порталига кўра, инглиз футболчисининг нархи 30 миллион эврони ташкил қилади.
