"Atletiko Madrid" hujumchisi Joau Feliks, "Benfika"ga qaytishi mumkin.
Avvalroq 24 yoshli futbolchiga asosiy da’vogar "Barselona" hisoblangan, u o‘tgan mavsumda ijara asosida o‘ynagan, ammo "ko‘k-anorranglilar" "matraschilar"ning transfer talabini qondirishni istamayapti. Qayta ijaraga berish Madrid jamoasiga to‘g‘ri kelmayapti. Hujumchini qaytarishga qiziqayotgan “Benfika” vaziyatdan unumli foydalanishi mumkin.
“Muzokaralar davom etmoqda, ammo ular ochiq muhokama qilinmasligi kerak. Bizga sifatli o‘yinchilar kerak, agar biz mamlakat va mahalliy futbolni yaxshi biladiganlar orasidan shundaylarni topa olsak, bu afzallik bo‘ladi", - deya Lissabon klubi rahbari Ruy Koshtadan iqtibos keltiradi Football Espana.