"Атлетико Мадрид" ҳужумчиси Жоау Феликс, "Бенфика"га қайтиши мумкин.
Аввалроқ 24 ёшли футболчига асосий даъвогар "Барселона" ҳисобланган, у ўтган мавсумда ижара асосида ўйнаган, аммо "кўк-анорранглилар" "матрасчилар"нинг трансфер талабини қондиришни истамаяпти. Қайта ижарага бериш Мадрид жамоасига тўғри келмаяпти. Ҳужумчини қайтаришга қизиқаётган “Бенфика” вазиятдан унумли фойдаланиши мумкин.
“Музокаралар давом этмоқда, аммо улар очиқ муҳокама қилинмаслиги керак. Бизга сифатли ўйинчилар керак, агар биз мамлакат ва маҳаллий футболни яхши биладиганлар орасидан шундайларни топа олсак, бу афзаллик бўлади", - дея Лиссабон клуби раҳбари Руй Коштадан иқтибос келтиради Football Espana.
