“Andijon” jamoasi yozgi seleksiya ishlarini davom ettiryapti. Tarkibga qo‘shilayotgan o‘yinchilar bilan bir qatorda klub bilan xayrlashayotgan futbolchilar ham bor.
Jumladan, joriy mavsum avvalida andijonliklar safiga qo‘shilgan makedoniyalik 29 yoshli yarim himoyachi Demir Imeri bilan o‘zaro kelishgan holatda amaldagi shartnoma bekor qilindi. Futbolchi yarim mavsum mobaynida “Andijon” libosida hammasi bo‘lib 10 ta o‘yinda maydonga tushdi va bitta golli assistni amalga oshirdi.
Shuningdek, klubga 2022 yilning yozida qo‘shilgan Suhrob Berdiyev bilan ham o‘zaro kelishgan holatda amaldagi shartnoma bekor qilindi. Suhrob o‘tgan ikki yil mobaynida jamoa tarkibida jami 35 ta o‘yinda maydonga tushdi va raqiblar darvozasiga 5 ta gol urdi.
