“Андижон” жамоаси ёзги селекция ишларини давом эттиряпти. Таркибга қўшилаётган ўйинчилар билан бир қаторда клуб билан хайрлашаётган футболчилар ҳам бор.

Жумладан, жорий мавсум аввалида андижонликлар сафига қўшилган македониялик 29 ёшли ярим ҳимоячи Демир Имери билан ўзаро келишган ҳолатда амалдаги шартнома бекор қилинди. Футболчи ярим мавсум мобайнида “Андижон” либосида ҳаммаси бўлиб 10 та ўйинда майдонга тушди ва битта голли ассистни амалга оширди.

Шунингдек, клубга 2022 йилнинг ёзида қўшилган Суҳроб Бердиев билан ҳам ўзаро келишган ҳолатда амалдаги шартнома бекор қилинди. Суҳроб ўтган икки йил мобайнида жамоа таркибида жами 35 та ўйинда майдонга тушди ва рақиблар дарвозасига 5 та гол урди.