17 iyul kuni faoliyatini yakunlaganini e’lon qilgan ukrainalik futbolchi Yevgeniy Konoplyanka "Liverpul"ga amalga oshmay qolgan transferi haqida gapirdi.

"Liverpul" Dneprga keldi. Biz hammamiz o‘tirdik, tushlik qildik, ular: "Bo‘ldi, biz sizni olib ketamiz", deyishdi. Tibbiy ko‘rikdan o‘tdim va ular meni olib ketishga tayyor edilar. Ular so‘rashdi: "Narxi qancha?" Men: "Prezidentimiz bilan gaplashing", dedim. Ular bog‘lanishdi, prezident bitta narx aytdi, men uning yoniga o‘tirdim va eshitdim – 15 million, lekin summa 25 millionga yetdi, bilmayman, funt yoki yevro. O‘sha paytda bu juda katta summa edi.

"Dnepr" bilan shartnomam tugashiga bir yil qolgandi va men hammasi joyida bo‘ladi deb o‘yladim: transferimdan klub pul ishlab oladi va men xursand bo‘laman. Ammo ular kelisha olishmadi va transfer amalga oshmadi, chunki bu transfer oynasi yopilishidan oldingi oxirgi kecha edi.

Hozir esimda, "Liverpul" UYEFAdan transfer oynasini yana bir soatga uzaytirishni so‘ragandi. "Liverpul" meni olishiga ishonchi komil edi, shuning uchun ular 25 millionga ko‘tarildi, ammo bu ish bermadi", - deya Konoplyankoning so‘zlaridan iqtibos keltirmoqda Tribuna.com.