Diyego Maradonaning futbolkalari kimoshdi savdosida sotiladi.
Sotheby's auksion uyi Maradonaning 1986 yilgi jahon chempionati yarim finalida kiygan futbolkasini sotuvga qo‘yadi, deb xabar bermoqda Daily Mail. Ushbu o‘yinda Argentina terma jamoasi Diyegoning dubli evaziga Belgiya terma jamoasini 2:0 hisobida mag‘lubiyatga uchratdi.
O‘yindan so‘ng Maradona futbolkasini darvozabon Jan-Mari Pfaffning qo‘lqopiga almashtirdi. Argentinalik unga "Buyuk Jan-Mari sha’niga, butun muhabbatim bilan" deb imzo chekdi.
Auksionda lotning kutilayotgan narxi 800 ming dollardan 1,2 million dollargacha. 2022 yil may oyida Maradonaning o‘sha turnirning chorak finalidagi futbolkasi rekord darajadagi 9,28 million dollarga sotilgandi.