Диего Марадонанинг футболкалари кимошди савдосида сотилади.
Sotheby's аукцион уйи Марадонанинг 1986 йилги жаҳон чемпионати ярим финалида кийган футболкасини сотувга қўяди, деб хабар бермоқда Daily Mail. Ушбу ўйинда Аргентина терма жамоаси Диегонинг дубли эвазига Белгия терма жамоасини 2:0 ҳисобида мағлубиятга учратди.
Ўйиндан сўнг Марадона футболкасини дарвозабон Жан-Мари Пфаффнинг қўлқопига алмаштирди. Аргентиналик унга "Буюк Жан-Мари шаънига, бутун муҳаббатим билан" деб имзо чекди.
Аукционда лотнинг кутилаётган нархи 800 минг доллардан 1,2 миллион долларгача. 2022 йил май ойида Марадонанинг ўша турнирнинг чорак финалидаги футболкаси рекорд даражадаги 9,28 миллион долларга сотилганди.
