ESPN O‘zbekiston haqida bunday deb yozadi:
Asoiy o‘yinchi: Eldor Shomurodov — Shomurodovni o‘zbek futboli tarixidagi eng mashhur o‘yinchilaridan biri deb hisoblash mumkin.
Uning qobiliyati o‘z-o‘zidan ma’lum, chunki u so‘nggi to‘rt mavsumni A Seriyada o‘tkazdi. Shuningdek, 29 yoshli futbolchi Parijda "oq bo‘rilar"ni g‘alabaga yetaklash uchun qo‘shimcha motivasiyaga ega bo‘lishi ehtimoli yuqori, ayniqsa, u bu yilgi OFK Osiyo Kubogini o‘tkazib yuborganidan keyin — u shu turnirda ajralib turishi kutilgan edi, ammo jarohati tufayli qatnashmadi.
Kuzatishga arziydigan o‘yinchi: Abduqodir Xusanov — Yevropaga faoliyatining dastlabki bosqichlarida o‘tishga muvaffaq bo‘lgan o‘zbek iste’dodlaridan biri bo‘lgan Xusanov, o‘tgan yilning iyul oyida "Lans" uchun debyut qilganida Liga 1 da o‘ynagan birinchi o‘zbek futbolchisiga aylandi.
Xotirjam va ishonchli markaziy himoyachi Olimpiadada o‘zini yanada sinab ko‘rish imkoniyatiga ega bo‘ladi, ayniqsa, ayrim kuchli raqib hujumchilariga qarshi o‘yinlarda.
Taxmin: Ular musobaqada debyut qilishsa-da, O‘zbekiston ushbu guruhda "qora otlar" (dark horse) bo‘lishi mumkin. Ispaniya favorit bo‘ladi, lekin ular o‘zining eng kuchli tarkibini chiqarmagan, Misr va Dominikan Respublikasiga qarshi o‘yinlar esa, kamida qog‘ozda qizg‘in bahslarga aylanishi mumkin. O‘zbekiston pley-off bosqichiga chiqsa, aslo hayratlanmang.
