ESPN Ўзбекистон ҳақида бундай деб ёзади:

Асоий ўйинчи: Элдор Шомуродов — Шомуродовни ўзбек футболи тарихидаги энг машҳур ўйинчиларидан бири деб ҳисоблаш мумкин.

Унинг қобилияти ўз-ўзидан маълум, чунки у сўнгги тўрт мавсумни А Серияда ўтказди. Шунингдек, 29 ёшли футболчи Парижда "оқ бўрилар"ни ғалабага етаклаш учун қўшимча мотивацияга эга бўлиши эҳтимоли юқори, айниқса, у бу йилги ОФК Осиё Кубогини ўтказиб юборганидан кейин — у шу турнирда ажралиб туриши кутилган эди, аммо жароҳати туфайли қатнашмади.

Кузатишга арзийдиган ўйинчи: Абдуқодир Хусанов — Европага фаолиятининг дастлабки босқичларида ўтишга муваффақ бўлган ўзбек истеъдодларидан бири бўлган Хусанов, ўтган йилнинг июль ойида "Ланс" учун дебют қилганида Лига 1 да ўйнаган биринчи ўзбек футболчисига айланди.

Хотиржам ва ишончли марказий ҳимоячи Олимпиадада ўзини янада синаб кўриш имкониятига эга бўлади, айниқса, айрим кучли рақиб ҳужумчиларига қарши ўйинларда.

Тахмин: Улар мусобақада дебют қилишса-да, Ўзбекистон ушбу гуруҳда "қора отлар" (dark horse) бўлиши мумкин. Испания фаворит бўлади, лекин улар ўзининг энг кучли таркибини чиқармаган, Миср ва Доминикан Республикасига қарши ўйинлар эса, камида қоғозда қизғин баҳсларга айланиши мумкин. Ўзбекистон плей-офф босқичига чиқса, асло ҳайратланманг.