"Chelsi" markaziy himoyachisi Trevo Chaloba yozda sotilishi mumkin. “Ko‘klar” 25 yoshli futbolchi bilan hisoblashmayapti. U jamoa bilan mavsumoldi yig‘iniga ham bormagan.
Insayder Fabrisio Romanoning so‘zlariga ko‘ra, “Chelsi” ingliz futbolchisini sotishdan taxminan 30-35 million funt sterling ishlab olmoqchi. Markaz himoyachisiga Premyer-liganing nomi oshkor etilmagan uchta klubi hamda yevrokuboklarda ishtirok etayotgan boshqa chempionatlar vakillari qiziqish bildirishgan.
Uning klub bilan shartnomasi 2028 yilgacha mo‘ljallangan va transfer qiymati, Transfermarkt ma’lumotlariga ko‘ra, 13 million yevro.
