AQSH basketbol terma jamoasi yetakchisi Lebron Jeyms va dunyoning ikkinchi raketkasi tennischi Kori Gauff 2024 yilgi Olimpiadaning ochilish marosimida mamlakatning bayroqdorlari bo‘ladi.
Bu haqda bugun, 24-iyul kuni AQSH jamoasining ijtimoiy tarmoqlarida ma’lum bo‘ldi.
Lebron Jeyms ikki karra Olimpiya o‘yinlari g‘olibi (2008, 2012) va 2004 yilgi Olimpiadaning bronza medali sovrindori, Kori Gauff esa o‘zining ilk Olimpiadasida ishtirok etadi.
Shuningdek, u AQSH tarixidagi ochilish marosimida milliy paradda bayroqni ko‘targan birinchi tennischi bo‘ldi. Bu yil Gauff Fransiya Ochiq chempionatida g‘olib chiqdi.
Avvalroq, Amerikaning Sports Illustrated sport jurnali Gauff Olimpiya o‘yinlarining yakkalik turnirida kumush medalni bashorat qilgani haqida xabar bergandi.