"Chelsi"ning yangi bosh murabbiyi Enso Mareska o‘z klubini "Manchester Siti" va "Arsenal"ga qiyosladi.
Aynan "shaharliklar" va "kanonirlar" o‘rtasida so‘nggi ikki mavsumda Premyer-liga chempionligi uchun kurash bo‘lib o‘tdi. Har ikki holatda ham Pep Gvardiola shogirdlari yakunda chempionlikni tortib olishdi, Mikel Arteta shogirdlari ikkinchi bo‘ldi.
Mareskaning fikricha, kelajakda "Chelsi" "Manchester Siti" va "Arsenal" bilan bir xil darajaga chiqishi mumkin.
“Men bor e’tiborimni jamoani rivojlantirishga qaratganman, ammo bunga qancha vaqt ketishi haqida o‘ylamayman. Klub va murabbiy bir yo‘lda bo‘lishi muhim.
Bizga "Manchester Siti" va "Arsenal" kabi ko‘p vaqt kerak bo‘ladi, demayman. Tez orada shunday natijalarga erishamiz degan umiddaman. Hozir men ko‘rayotgan yagona farq - bu amaldagi murabbiy bo‘lib o‘tkazgan vaqtim”, - dedi italiyalik murabbiy ESPN telekanaliga bergan intervyusida.