"Челси"нинг янги бош мураббийи Энцо Мареска ўз клубини "Манчестер Сити" ва "Арсенал"га қиёслади.
Айнан "шаҳарликлар" ва "канонирлар" ўртасида сўнгги икки мавсумда Премьер-лига чемпионлиги учун кураш бўлиб ўтди. Ҳар икки ҳолатда ҳам Пеп Гвардиола шогирдлари якунда чемпионликни тортиб олишди, Микель Артета шогирдлари иккинчи бўлди.
Маресканинг фикрича, келажакда "Челси" "Манчестер Сити" ва "Арсенал" билан бир хил даражага чиқиши мумкин.
“Мен бор эътиборимни жамоани ривожлантиришга қаратганман, аммо бунга қанча вақт кетиши ҳақида ўйламайман. Клуб ва мураббий бир йўлда бўлиши муҳим.
Бизга "Манчестер Сити" ва "Арсенал" каби кўп вақт керак бўлади, демайман. Тез орада шундай натижаларга эришамиз деган умиддаман. Ҳозир мен кўраётган ягона фарқ - бу амалдаги мураббий бўлиб ўтказган вақтим”, - деди италиялик мураббий ESPN телеканалига берган интервюсида.
