"Tottenxem"ning chap qanot himoyachisi Serxio Regilon "Manchester Yunayted"ga qaytishni istaydi.

"Qizil iblislar"ning ispaniyalik futbolchiga qiziqishi haqidagi mish-mishlar oy boshida paydo bo‘lgandi. Insayder Fabrisio Romano ta’kidlaganidek, mankunianliklar himoyaning chap qanotini kuchaytirish niyatiga qaramay, hozirda Regilon bo‘yicha muzokara olib borishmayapti. Shu bilan birga, agar “Manchester Yunayted” 27 yoshli futbolchini o‘z safiga qo‘shib olishga qaror qilsa, u xursand bo‘lardi. Lateral Erik ten Xag jamoasida o‘ynagan qisqa davrni iliqlik bilan eslaydi.

Eslatib o‘tamiz, Serxio Regilon o‘tgan mavsumning birinchi yarmida ijara asosida "Manchester Yunayted" sharafini himoya qilgan edi. Yanvardan maygacha futbolchi "Brentford"da ijarada bo‘lgan.