"Тоттенхэм"нинг чап қанот ҳимоячиси Серхио Регилон "Манчестер Юнайтед"га қайтишни истайди.
"Қизил иблислар"нинг испаниялик футболчига қизиқиши ҳақидаги миш-мишлар ой бошида пайдо бўлганди. Инсайдер Фабрицио Романо таъкидлаганидек, манкунианликлар ҳимоянинг чап қанотини кучайтириш ниятига қарамай, ҳозирда Регилон бўйича музокара олиб боришмаяпти. Шу билан бирга, агар “Манчестер Юнайтед” 27 ёшли футболчини ўз сафига қўшиб олишга қарор қилса, у хурсанд бўларди. Латерал Эрик тен Хаг жамоасида ўйнаган қисқа даврни илиқлик билан эслайди.
Эслатиб ўтамиз, Серхио Регилон ўтган мавсумнинг биринчи ярмида ижара асосида "Манчестер Юнайтед" шарафини ҳимоя қилган эди. Январдан майгача футболчи "Брентфорд"да ижарада бўлган.
