O‘zbekiston Olimpiya terma jamoasi bosh murabbiyi Timur Kapadze Parij-2024 tashkilotchilari bilan bog‘liq muammolar haqida gapirdi.
"Musobaqa tashkilotchiligida ozgina muammolar borligi ko‘rinib qolmoqda. Bu yerda faqat futbolga tayyorgarlik ko‘rishni o‘ylamas ekansiz. Yana boshqa masalalarni o‘ylash kerak ekan. Birinchi kun kelganimizda bizni joylashtirishdi, biroq ertasiga bu sizlarni xonalaringiz emas ekan deb yana bo‘shattirishdi. Boshqa korpusga o‘tadigan murabbiylar bo‘ldi. O‘ziga yarasha har kuni qandaydir vaziyatlar bo‘lib turibdi. Hammamiz birgalikda bunday holatlardan chiqishga harakat qilmoqdamiz. Biroq shu mayda narsalar ham o‘yinga tayyorgarlik olib borishga to‘sqinlik qiladi..." - dedi Kapadze.
