Dunyoning birinchi raqamli tennischisi Yannik Sinner kasalligi tufayli Parijdagi Olimpiya o‘yinlarida ishtirok eta olmasligini X ijtimoiy tarmog‘ida ma’lum qildi.

22 yoshli italiyalikning so‘zlariga ko‘ra, o‘yinlarga tayyorgarlikning birinchi haftasi yaxshi o‘tgan, biroq keyin o‘zini yomon his qilgan va natijada shifokor unga tonzillit tashxisini qo‘ygan va Parijga bormaslikni qat’iy tavsiya qilgan.

Sinnerning ta’kidlashicha, Olimpiya o‘yinlari uning mavsumdagi asosiy maqsadlaridan biri edi, shuning uchun uning juda hafsalasi pir bo‘lgan.

Olimpiadadagi tennis bahslari 27 iyuldan 4 avgustga qadar davom etadi.