Дунёнинг биринчи рақамли теннисчиси Янник Синнер касаллиги туфайли Париждаги Олимпия ўйинларида иштирок эта олмаслигини Х ижтимоий тармоғида маълум қилди.
22 ёшли италияликнинг сўзларига кўра, ўйинларга тайёргарликнинг биринчи ҳафтаси яхши ўтган, бироқ кейин ўзини ёмон ҳис қилган ва натижада шифокор унга тонзиллит ташхисини қўйган ва Парижга бормасликни қатъий тавсия қилган.
Синнернинг таъкидлашича, Олимпия ўйинлари унинг мавсумдаги асосий мақсадларидан бири эди, шунинг учун унинг жуда ҳафсаласи пир бўлган.
Олимпиададаги теннис баҳслари 27 июлдан 4 августга қадар давом этади.
