33 yoshli "Nyukasl" va Angliya terma jamoasining o‘ng qanot himoyachisi Kiran Trippyer Saudiya Arabistoni jamoasiga o‘tishi mumkin, deya xabar beradi jurnalist Nikolo Skira.

Manbaga ko‘ra, futbolchi nomi oshkor etilmagan Yaqin Sharq klubidan foydali taklif olgan.

Trippyer Angliya terma jamoasi safida Germaniyada bo‘lib o‘tgan Yevropa chempionatida oltita o‘yin o‘tkazdi va turnir finaliga chiqdi va u yerda Ispaniya terma jamoasiga (2:1) mag‘lub bo‘ldi.

Trippyer 2022 yildan beri "Nyukasl"da o‘ynab kelmoqda. O‘tgan mavsumda himoyachi inglizlar safida barcha turnirlarda 39 ta o‘yin o‘tkazib, 1 ta gol va 11 ta golli uzatmaga mualliflik qilgan. Futbolchining amaldagi klubi bilan shartnomasi 2025 yilning iyun oyi oxirigacha amal qiladi. Transfermarkt portaliga ko‘ra futbolchining taxminiy narxi 10 million yevroni tashkil qiladi.