Italiyalik insayder Fabrisio Romano o‘z podkastida «Arsenal»dagi transfer yangiliklari haqida to‘xtaldi.
«Rikkardo Kalafyoridan keyin «Arsenal»ning asosiy e’tibori yarim himoyaga qaratiladi. Mikel Merino ularning ro‘yxatida kuchli variant bo‘lib qolmoqda. Ular hozircha «Real Sosyedad»ga hech qanday taklif bilan chiqishmagan. Nega? Chunki «Arsenal» shunday ishlashni yaxshi ko‘radi — bitta kelishuvdan keyin yangisiga.
«Arsenal» uchun ba’zi sotuvlarni yakunlash muhim. Bilamizki, Smit Rou «Fulxem»ga o‘tishga yaqin, ular «Marsel» bilan Nketia uchun kelishuv ustida ishlamoqda, Nelsonning «Lester»ga o‘tishi ham ehtimoli bor, shuning uchun muzokaralar davom etmoqda», - dedi Romano.
